Thursday, July 26, 2018

COMMITTEE LAIA AWM DAN MAWI


Tangkai pui kan awm tak in ka rawn pho chhuak, a rawn ziak chhuak tu tak hi ka hre bik lo, point tlem a zawng ka belh ve e.


➡ Committee hruaitu tur (Leader/Chairman) chu committee hun ruat aia hma feah a thleng thin tur a ni. Committee hruaitu tur ber a tlai fo chuan kal lehzelna turah inthlahdahna a hring a. A zahawmna pawh a hloh tih hriat tur.
➡ Committee tan hun ruatah hruaitu chuan a tanpui thei ngei ngei tur a ni. Member dang an rawn kal mek, thleng tep tih mai mai avanga a tan tlaipui fo chuan member-te thinlungah tlai pawi tih lohna a hring chhuak thin. Chu chuan kumtluanin a hunah Committee a tantir thei lo fo thin ang.
➡ Committee kal thei lo an awm chuan secretary hnenah a theih loh chhan chiang takin a hrilh tur a ni a. Leader/Chairman emaw Secretary hrilh lovin member dang bula a phatna a duhtawk mai tur a ni lo.
➡ Committee i kal tlai dawn a nih chuan secretary/leader hnenah chiang takin i sawi thin tur a ni.
➡ Hruaitu in thurel agenda sawi lai chu 'thu chung pawhin a sawi theih tho...' ti zawnga a tih loh chuan ding chungin i ngaihdan sawi nhei ngei ang che.
➡ Ngaihdan din chhuahpui bawk silo, bula thute lo sawipui ve chhen reng si hi mipuitling lo zia a ni tih hriat tur. A thing.
➡ Committee member atan an ruat che a. I pha silo a nih chuan in thurel ah ngaihdan sawi tur i nei ve ngei tur a ni. Kumtluana Committee laia lo thu ngawi ve mai mai tura ruat i ni lo tih hriat tur. Committee member lai i nih ve tawh kha
➡ Thu in chuh rap rap changte pawh a awm ang. Amah erawhchu, tawngkam mawi hman hram hram tum tur a ni. I hmaa an thil sawi kha i duh loh zawng a lo nih pawhin, "Ka ngaihdanah chuan..." ti mai lo vin, "Tihian ka lo ngaihtuah ve a....." tih emaw chin zawk tur.
➡ Agenda member ten an sawi laia Committee hruaitu berin midang a lo biaksan chhen hi thil mawi lo tak a ni. A sawitu tan sawi a tuiawm loh.
➡ Committee laia bul amite nena thil dang lo sawi daih emaw, thil dang lo ngaihtuah daih (phone khawih, etc..) rawngbawlna thilah phei chuan tih loh tawp tur a ni.
➡ Pawimawha chhuah lawk kan ngai anih chuan ngawi renga chhuak mai lo vin, bula thute hnenah tal sawi thin tur.
➡ I ngaihdan lo deuh hleka thu in lo passed a nih pawhin, thu pawmtu zingah i tel a, theih tawp chhuaha tih hlawhtlin ve mai kha i tih tur a ni tih hria la. A bawhzuina lamah in lo buai ta deuh a nih pawhin, Sawi zui kher lo la. Thu pawmtu zing ami i nihve na kha hre reng la. Theih tawp chhuah zawktu ni ang che.
➡ Committee minute hi chhiar chhuah ngei hi duhthusam a ni. A bawhzuina lamah kan thu passed tawh dan en let duh chang a awm thin. A hunlai/siam that theih laiin chiang taka Committee kalten Kan pawm tlan dan tura ziah a him ber.
➡Thu pawimawh deuh rel hmanhmawh thlak lutuk te a awm lo a nih chuan WhatsApp ah no lo in, committee a tel tur in rawn put luh tur a ni.

Sunday, July 8, 2018

Pathian hi khawi ah nge a a awm thin?


Pathian hi khawi ah nge a a awm thin ? Sharing

A.    Accident in
Ka Bike Accident – Thanjavur ah pawl 12 1997 khan lekha ka zir a, a lo rei ve ta khawp mai. Chuti hun lai chuan ka Pa Hosur ah hna a thawh ve  thin lai a nia, Weekend te hian ka va haw thin a, nuam ka ti thei khawp mai. Tum khat ka haw chu hostel ka awm lai in ka in hliam a, tetanus injection la tur in Hosur khua chhung ah kan kal, kan haw lampang kha Matador motor full speed a tlan hian break fail vang nge ni ka zawn tak ah chak tak mai in min rawn su a, min sut zawh hnu ah electric bun a su thlu. Helmet ka khum hlauh a, ka khabe hnuai leh ka ke surgery neih a ni a, ka kut zung tang a bung bawk, a rap thlak khawp mai. Ka nu kha a na leh zual a, a ke kha a tliak sawm a, a lu kha a in hliam bawk, a na tuarh dan kha a rap thlak bik khawp mai. A ke chhung ah thir tlang kha an dah a, an tih fai dawn khan head injury nei a nih avang khan pain killer pawh kha a pek theih loh a, a khawngaih thlak awm khawp mai. Chutiang hun lai chuan ka rilru a rawn awm chu Ngati nge keimah chung ah hetiang hi a rawn thleng,  kan fell oh vang bik te a ni thei em? Pathian hnen ah khan thinrim nge lawm tur hriat thiam a har khawp mai. Helmet ka khum avang khan ka vannei a tih theih bawk. Kan zing ah pawh hetiang tawk hi kan awm ve fo ka ring. Ka rilru a awm chu Pathian hi hi thil ti thei  ber a nih chuan  hrehawm na hi a ti bo thei ang. Pathian hian mi a hmangaih a nih chuan khawvel ah sual leh hrehawm na a awm lo ang. Sual leh hrehawmna a awm chhan chu Pathian  a awm loh vang a ni ang ti ka ti rum rum hman a ni.

B.    Chhiat tawh in

 Pondy, Tamil Nadu Tsunami
Tsunami vang a Tamil Nadu district pakhat, Cuddalore khua a lawng lut

Tamil Nadu chhim lam ka rawn awm tan tirh na hi kum 2005 kum tir kha a ni a.  Ka rawn chhuk thlak dan chanchin han sawi phawt mai I la,
Kum 2004 , December 26 khan  Indonesia thliar kar ah lirnghing nasa lutuk mai, atom bomb 1,000 vel a nghawng in in Indian Ocean lei hnuai akhawih sawn a, chu lirnghing chuan richer scale a the 9.0 a nghawng hman a ni. Chu ta tang chuan tui fawn sang lutuk dar kar khat a km 800 a chak in a kal ta a ni. Minute 20 hnu chuan Banda Aceh chu a ti chhe ta rup mai, mi sang tam tak an tthi, Indonesia leh Thailand hmun tam tak ah pawh chhiatna an tawk. India ram ah pawh Andaman & Nicober Island bak ah tun ah kan awm na state Tamil Nadu ah pawh mi 10,000 dawn an boral a nih kha. Tsunami kha Africa ram Somalia thleng a va nghawng nghe nghe a ni. A vai in mi nuai 2 thi a hriat a ni. Hotel leh motor te chu naupang lego khel peih tawh lo pet tlu ang mai in a let pheng phung mai a nih kha.
Khan Tsunami tuar te buaipui tur khan ka NGO thawh na te khan Cuddalore leh Nagapattinam district bak ah Pondicherry buaipui tur in min tir thla ve tah a nih kha.
A hmun vel assessment nei tur a kan kal khan ruang a let pheng phung mai, a rapthlak khawp mai. Tsunami  a len bo loh te kan kawm a , a rapthlak zia an sawi a, suang tuah pawh a har. Tsunami kha concerete chhawng 2 ang vel a nia, a rawn chim tawh kha chuan chirh kha a dum vek tawh si a, tui hleuh thiam lo tan chuan tlan chhiat ngaih na a a awm lo.  Khatia kan va kal kha tanpui dan  tur kan ngaihtuah te chu.
1.     Nu ho fa hlauh tan, Psycho social support lam a tanpui dang kan ngaihtuah,
2.     Tsunami in an In a tih chhiat vek avang in , in thar sak sak dan kan ngaihtuah.
3.      Cholera leh natna a tlem nan ek in kan ngaihtuah. Hei pawh hi sawi tham fe a awm, Tsunami hma pawh a ek in a e ngai lo an lo ni hlawm, ek in hmang tur a hma kan lak dan sawi tham fe  awm.
4.     An ground water kha salt water in a tih chhiat vek avang in Germany atangin in sea water drinking water a convert na khawl kan chah thla bawk.
5.     Nu ho ei zawn na tur – eg candle siam emaw puanthui dan tur kan ngaihtuah.










Heng buaina kan tawh hian Eng tin nge Pathian thil ti thei in heng hi a  phal aw tih rilru ah a rawn lut a ni.

Sam 95:4. Ah chuan “Lei chhûngril thûk takte a kuta awm a ni, Tlâng sângte pawh a ta a ni.

Sam 135:6 ah Lei leh vânah te, tuipuiah leh tuifinriatah te,
Lalpan a duh apiang a ti hîn. Kha a in ti bawk si a , khan hrehawm tuar te leh a hmu tu te tan pawh Pathian chu a va ti mak deuh ve aw tih pawh a awl khawp mai.

 Pathian hian hrehawm na phal em?

1.     A hmasa in khawvel hrehawm na tam tak hi Pathian rawn tih chhuah nge kan tih chhuah tih hi ngaihtuah ve a tha khawp mai. En tir nan Zu in tam chuan liver problem a nei, Mei zial zu nasa chuan cancer a nei, Sex hmang khawo lo chuan HIV AIDS a nei, khawve a buaina kan neih tam tak hi chua hmasial vang te leh kei mahni mihring vang te a ni.
2.     Pathian hian thil tam tak a tih hi mihring hriat thiam bak a ni. Bible hian eng kim min hrilh lo. Atheist ho awm na chhan pawh Pathian thil tum an la hriat thiam loh vang a ni. Keini Kristian te chuan kan hriat thiam loh ah khan kan rin ngam a ngai a ni.

Isaia 55:8-9 ah chuan ti hian a ti –
Ka rilru leh in rilru chu a inang lo,
Ka awm dân leh in awm dân pawh a inmil bawk hek lo,’
Lalpa thuchhuak chuan a ti.
9Vân khi lei aia sâng a ni ang khian,
Ka awm dân hi in awm dân aia sâng a ni.
Ka rilru pawh in rilru aia thûk a ni.

Pathian hian kan kan hriat tur ang tawk te chu min hrilh a ni. Tun lai khawvel ah mihring kan to bul ber DNA sequencing an tih mai an hmu chhuak tawh, DNA chu lekhabu ang deuh in an modify thei tih na a nih chu. En tir nan i fapa lo piang tur kha tlem a thiam thei deuh, sang deuh, ngo deuh in an siam thei. Mahse DNA chu scientist ten an siam thei lo. Pathian chauh in a siam thei. Chutiang bawk in khawvel lo to bul, big bang tobul hi scientist te'n an la hmu chhuak lo a ni. Pathian rilru chu kan rilru ai in a thuk a ni tih hi kan pawm thiam a pawimawh khawp mai.

Gen 1:31 kan chhiar chuan  ti hian a ti 31Pathian chuan a thilsiam zawng zawng chu a hmuhin ha a ti êm êm a. Tlai a lo ni a, zîng a lo ni leh a: a ni rukna chu.

Pathian in mihring a siam khan a hriang hrang bik a ni.
1.     Pathian nen a in kawm thei tur chhia tha hriatna nei a siam a ni.
2.     Pathian khan Robot a siam lo, a duh duh a remote control theih tur. A ma duh thu a Pathian thu awih thei tur mihring a siam ani.
Khawvel buaina leh hrehawmna awm lo famkim chu Setana in Eve a thlem thluk ang in, khawvel a sual a lo lut ta a nihkha.

Rom 5:12 chuan 12Khawvêlah hian mi pakhat avângin sual a lo lût a, sual avâng chuan thihna a lo awm ta a. Tichuan, khawvêl mihring zawng zawng hi thihna chuan a fan chhuak ta a ni, mi zawng zawngin thil sual an tih avângin. Khawvel ah sual a rawn awm tak atang chiah khan saruak in an awm tih te an in hre ta a nih kha, zah na te, hlauhna te, hrehawm tih na te, in rinhlehna te a a rawn awm tan mai bak ah kan taksa pawh natna te leh thihna te a rawn awm chho ta a nih khan.

Khawvel ah sual a ram awm tan tak atang khan Eden huan ang ngai kha a awh thei tawh lo, Lirnghing te, Tui Lian te leh Tsunami te kha khawvel ah sual a rawn luh hma kha chuan a awm a rin awm loh.

Mahse kan ti mai thei, Khawvel ah Pathian in sual a a rawn awm dawn a ni tih hre reng chung in ngati nge mihring te sual lak a tluk a phal kan ti mai thei, mahse pathian chu Pathian ngil nei a ni, Pathian in tih luih na in a mah zui tur in min duh lo, Pathian mi zia a ni ve lo. Pathian chu hmangaihna pathian a ni a, mi a hmangaih avang in kan tan a nunna pawh a pe ngam a nih kha.

Joba pawh kha misual a ni lo, Pathian in a chhuang em em mahse ni khat thil thu ah a ran zawng zawng leh a fa 10 te an boral vek a nih kha. Khatiang kar ah khan Joba kha a thin rim em? Thinrim lo e, a ni chuan ti hian a ti –

Job 1:21 Ka nu pum ata saruakin ka lo piang a,
Saruak vêkin ka kîr leh dâwn a nih hi.
Lalpa chuan a pe a, Lalpa chuan a la leh ta a nih hi,
Lalpa hming chu fakin awm rawh se,” a ti a.

Chu mai a ni lo, a hriselna a chhe than, khawhli a nei, a mi a tha lo, a mu thei lo, a nupui pawh in Pathian sawi chhia la, thi la a ni mai a lawm a ti a nih kha.

Job 19:25,27
5Mi tlantu chu a nung tih ka hria,
Nakinah chuan vaivutah hian a lo ding ang.
26Ka vunte hi a chhiat hnuin
Ka tisain Pathian ka la hmu ang.
Pathian lo kal tur hria in ni awm tak in, Joba kha chuan tun kan khawvel hi chatuan nunna a ni lo tih a hria. Pathian ah a rinna a nghat ngam.

Joba experience atanga hian kan zir theih chu chhana zawng zawng hriat ai chuan Pathian rin a pawimawh zia hi a ni.



Lirnghing emaw lei min te awm avang hian Pathian in mi a hrem  tih na a ni em? A ni lo. Tsunami avang a tuar te keini ai in an sual chuang bik lo, chhiat tawk te pawh keini ai in fel loh bik na an nei chuang lo.
Rom 3:23 chuan ti hian a ti a ni
mi zawng zawngin thil sual an ti vek a, Pathian ropuina chu an chang thei ta lo va ni. Kan fel vang a chhiat tawk lo tur kan nih chuan a tam zawk hi chu kan thih na rei tawh ang.Pathian in Isua khawvel a rawn kal pawh khan a fapa thih a phal a nih kha, Pathian chuan keini ai chuan kan tan a thil tha a hre zawk

Romans 8:18
Rei lo te chhûnga kan hrehawm tuar nêp tak hian chatuan ropuina, khaikhin rual loh khawpa nasa chu min siamsak a ni.

Accident te, lirnghing te leh Tsunami te hi khawvel sual tawh zia tih lan na a ni, Thihna hi a chiang, keini khawvel a awm ve te chuan kan thil tih theih chu Pathian lo kal leh nghah a pawimawh ber. Kan ngaihtuahna te, kan thu sawi te leh kan thil tih te kan fimkhur loh chuan chatuan hremna tawk thei kan ni. Kan sual te kan sim chuan, Isua krista rawn thih leh thawh tawh avang in chatuan nunna beiseina kannei a ni.

2 Peter 3:9 henkhat rin dân angin Lalpa hi a thutiam hlen kawngah a muang lo ve; in tân a dawhthei a nî zâwk; tû ma boral a duh lo va, mi zawng zawngin an sual an sima, a hnêna an kîr a duh vâng zâwk a ni.
Pathian in tumah thi tur en emaw hrehawm tur in a duh lo, ah mah hnung zui a, sual sim a chatuanna nunna Rom 6:23 a sawi ang kha nei tur in min duh a ni.

Rom 6:23 Sual man chu thihna a ni si a; Pathian thilthlâwnpêk erawh chu kan Lalpa Krista Isuaah chuan chatuan nunna a ni.

Pathian in tunah ka thusawi te kan za a tan malsawm rawh se.Amen