Sunday, February 18, 2018

MSUP Golden Jubilee Thuchah

MSUP Golden Jubilee Thuchah @ Pune 17.02.2017 Spicer Mizo Seminar and 19.02.2017 Pune Mizo Welfare Golden Jubilee at Symboisis Hall in Viman Nagar.


Ni 19 MSUP Function
17 Spicer Mizo Seminar Inkhawm


A hmasa ber in Chennai Mizo Welfare hming in Chibai ka buk a che u. Hun hlu tak MSUP leh Spicer Mizo Seminar hruaitu ten hun min pek avang in lawmthu ka sawi duh a ni. MSUP leh Spicer Mizo Seminar inti neitu ber te zing ah ka in ngaih avang in he golden jubilee pawimawh tak hi ka rawn hmang ve duh a ni. Keimah ber a hi Pune ka pian kum chu Pu Kailiana Hauzel President lai a la nia, Pu Ronald Sapa Zamzo Editor a nih tawp tawh. 1990-91 vel Phul gate a inkhawm thin lai khan Tv JC Zothansanga kha President a ni thin a, Saddam Huseein a leh Bush upa zawk a te Iraq indo lai kha a la nia, Pawl 6 ka la nia, ka la hre ve ruai ruai. PMCF leh Mizo Seminar te Picinic tur a Bus hire a Lonavala kan kal tin ka la hria. PuMuanchhana te an President lai khan College ka rawn tan ve leh a, Tv Remruata Varte President like khan OB ka ni ve ta a, chumi zawh chuan MSUP hruaitu ka hriat leh chu 2018 Joela te hi a ni leh mai.

Kan hunlai a kan hma lak tlem a zawng ka la hriat ve te han sawi ve I la,
1.       MSUP Website siam (msup.org)
2.       Directory buaipui – in la ti tho in ka ring
3.       Zamzo Magazine -Tunah Aizawl Mayor PC Lalhmingthanga te leh Pi Sangpuii Pasal boral ta, Pu Lianhmingthanga te’n an buaipui nasat theih zia pawh kha ka la hria. Kan han buaipui ve a, – buaipui a hahthlak zia leh zirlai a khawih buai theih dan hre chiang pawl ka ni ang. Ka awm lai erawh kha chuan kum tin article ka thawh ve thin.
4.       Sports – City lam Spicer in unau zawk nan a tha khawp mai. A hmun vel buaipui a hahthlak hle bawk. Keini pawh hei, Chennai ah Mizo Sports kan zo ve chiah.

MSUP hian Mizoram a mi Pune lo chhuk te, kohran hrang hrang, veng hrang leh khua hrang hrang min ti khawm hi kei chuan a nuam leh ropui ka tih ber a nia. Kei, Mizoram pawn a piang leh thang chho pawh in hmelhriat leh thian te ka neih ve tam zawk hi chu Pune a lekha rawn zir te a ni. 

Point 2 pawimawh deuh sawi duh ka neih, MSUP hriat reng tur a ka duh chu :

1. MSUP chhiatni that ni a in tanpu - a hmasa in hetah kan chief guest MP Pu Sapa leh Mayor PC Lalhmingthanga te hnenah hian Welfare hruaitu tam tak te min tanpui avang in lawmthu ka sawi duh a, 
a) Thihna -  Keini Chennai ah chuan tun hnai khan Aizawl atangin mi thi kan nei, chhungkua harsa leh rethei ve tak tak an ni. Khatiang a ruang thawn chhawh na te, a kalpui thlawhna man te zawng zawng Aizawl Municipal Council Hruiatu te a zar ah kan thawn chho kha kan lawm tak meuh a ni.

b) Trafficking case - Tun hma MSUP hruaitu te kha chuan Mizo nula hnam dang ngaizawng ringawt te kha in zilh thin, tun ah erawh chuan phai ram a mizo nula rawn kal, in zuar te chu sawi loh, nawhchizuar te Mizoram pawn hmun hrang hrang ah kan buaipui reng mai a, a lu hai thlak hle mai, mahse hemi kawng ah hian Sorkar tanpuina lam ah kan lawm hle, Welfare hruaitu te court a va lan ve a rem lo, va len ve pawh in Nula hruaitu te amw min ti a, tan vak ngaih na a awm lo amerawhchu Mizoram Social Welfare department tanpuina in heng nula te hi kan thawn chho thei a ni.

Matthia 25:42-25

42Ka ril a ṭâmin nangnin ei tûr mi pe lo va, ka tui a hâlin in tûr mi pe lo va. 43Mikhual ka nihin mi thleng lo va; saruaka ka awmin puan mi sintîr lo va, ka dam loh lai leh tân ina ka tân laiin mi kan lo va,’ a la ti ang. 44Anni pawh chuan, ‘Lalpa, engtikah nge rilṭâmin emaw, tuihâlin emaw, mikhualin emaw, saruakin emaw, dam lovin emaw, tân inah emaw kan hmuh che-a rawng kan bâwlsak loh che?’ tiin an la chhâng ang. 45Ani chuan, ‘Thu dik ka hrilh a che u, hêng mi tê berte zînga pakhat chunga in ti lo chu ka chunga ti lo in ni,’ tiin a la chhâng ang.

2. MSUP te hian theih pa tawp a zirlai te lekha zir lam a fuih a, thiam na nei tur a in fuih tur in ka sawm duh, amerawhchu thu pakhat sawi leh ka duh, hetah Golden Jubilee a rawn kal hi chhungkua harsa lutuk lo leh awm thei deuh vek, BA emaw MA zir te an ni hlawm, kan lekha thiam thei te phei chu Doctor emaw Engineer te an zir ang, mahse Mizoram a thalai tam zawk te thingtlang atanga rawn chhuak te an ni. Pune Mizo Welfare ringawt emaw Chennai Mizo Welfare pawh ni lo in, hetiang thingtlang atanga chhungkua harsa tak tak te hi Phai ram ah an rawn tleh thla huau huau reng mai a, heng buaipui hi Pu Chief Guest leh MP ni bawk leh kan Mayor te hian Skill development training lam ah hma la tur in ka ngen duh che u a ni. Mi zawng zawng lekha thiam an ni dawn lo, mahse an ei zawn theih na tur diploma course eng emaw phai ram a hna tha deuh leh mumal deuh hlek an hmuh theihna tur hian hma min lak sak tur leh phai ram welfare hruaitu te nen a thawk ho tur in ka rawn ngen duh che a

Ka lawm e.

MSUP vul zel rawh se.








Kum 17 liam ta MSUP thla lak thenkhat te hetah click rawh . MSUP 2001



No comments:

Post a Comment