FDI Retail India rawn lut tur ka ngaihdan.

A hmasa in Retail lam ka thu ziah hi, retail leh fdi  lampang ka thiam vang emaw Congress ka tan vang emaw ziak ka ni lo a, ka experience atang a ka thil lo hriat leh ka hmuh ve dan atangin ka thil hmuh te ka rawn ziak zawk a ni e.





Thla Lak hi US a Retail chain lar, Target  leh Kolkat kawthler Sangha zuar a ni e. Target hi a fai in, Bazar a nuam hle, US a Retail chain lar tak a ni.  Sangha zawr na erawh hi chu Kolkat kawthler ni in, a hmun a thianghlim lo hle.

FDI Retail a rawn luh a company lian rawn lut tur te Carre four, Walmat te hi khawvel a company lian tak tak te an nia,  ram tan tangkai pui leh tangkai pui loh na tam tak te pawh a awm ang, a hmasa in FDI Retail tha ka tih na chhan te kan tarlang ang e.

1.       Loneimi te tan (Farmers) te tan market tha tak an hmu thei ang – Walmart leh Retail outlet lian tam tak te hian an thlai leh thei an lei tur te hi standard sang tak an duh, chung chu lonei mi te hnen atang in direct cash in, wholesaler emaw middle man awm lo in an zuar thei ang. Mizoram ang ah chuan swathing, serthlum, grape zuar te tan chuan a tangkai viau ang, a chhan chu heng company lian te hian loneimi te hnen atang a lei nghal mai lo vin, an thil lei te dah that na tur Cold Storage te an rawn bun thei ang a, chuan serthlum leh thei dang te pawh food processing tur in hma an rawn la thei ang.  Tun kum khan Mizoram Sorkar hotu pakhat nen Spencer retail an hotu te kan hmu a, sawhthing te hi a direct in lei thei u la, nang mahni tan pawh a tangkai ang a, Mizoram lonei mi te tan pawh  a tangkai tur thu kan rawt a, mahse Spencer retail chuan Cold storage, transportation etc buaipui tur in sum invest tur an neih tam tawk loh thu an sawi,  chutiang invest tur chuan company lian te hian kum 3-5 vel help nghak pawh in an invest thei a ni. 

2.       Leitu te tan (Consumer) – Vai ram a awm chuan, dawr te deuh hlek a kan kal chuan, thil man dik tak hi min hrilh khat khawp mai, dawn deuh ziah a ngai, mi bum tum ran hian min dawr thin, chu mai bak ah an chawhmeh thing tawh leh product expire tawh te pawh mi zawrh hi an hreh lo, chuta zui ah, thil tha lo kan lei in, min la refund duh lo zui. Heng retail leh company lian ah chuan an thil zawrh khan quality tha tak maintain tur in internal control system tha tak an nei,  thil expire tawh leh a thing tawh te chu an paih zel, chu mai bak ah an thil zawrh a thil dik lo a awm a nih chuan, mi refund a hreh ngai lo. Heng retail outlet tam tak hian a hlawm a an lei tin avang in, an thil zawrh te pawh hi a tlawm zawk tlang pui bawk.  Mizoram a kalphung ka hre lo a, Kolkata a ka experience ve pakhat chu, thawkhat lai khan Alu kha Kg 1 Rs 50 vel in a to hman, kan hotu nu CM Pi Mamata Banerjee Howrah wholesale bazaar tawp tak mai ah a va kal a, wholesaler ho a vau hnu in, a tuk ah Kg 1 kha Rs 30 ah a tla hniam hman, khatiang vai sumdawng phakar duham tak bum theih kan ni tawh lo ang, FDI retail a rawn luh chuan.

3.       Hna  (Job) – Retail outlet tam tak hian thalai rethei tak tak tan hna a siam phah teuh dawn a ni, US ah pawh sawn mi employ tam ber chu Walmart a tih theih ang, Heng retail outlet a thawk tur hian BA emaw MA a ngai kher lo, Pawl 10 pass emaw pass lo te tan pawh hna a hmu thei ang.  Heng  Retail outlet lo ah pawh kan thlai rethei leh harsa te pawh hi an thawk thei tho, mahse  Retail outlet ang a hna an thawh tangkai na chu Provident fund, Health leh Life Insurance leh Promotion te an hmu thei dawn a ni. Tunah ka hna thawh mek (Skill Development ) peng pakhat zing ah hian Calcutta khua pawn a thalai BPL, SC leh ST te thla khat chhung retail training kan pe a, Shopper Stop, Big Bazar leh Spencer ah te hna kan hmu sak a ni, starting chu Rs 4,000- Rs 6,000 a ni tlang pui, a then phei chu thla 6 hnu ah Rs 10,000 hlawh tawh te pawh an awm. Retail mai bak ah hna dang tam tak, accounting, human resource, security , food and beverages etc hna a rawn siam belh thei bawk ang.

FDI rawn luh avang hian a tuar ber tur chu Kolkata leh Guwahat a kan wholesaler lian ho te hi a ni,  mahse heng sumdawng lian ho te hi an tla chhe vak tawh lo ang, sumdawn na dang tha tak tak an neih tho a rinawm, Wholesaler thenkhat pawh a nghawng ve deuh chuan a rinawm, mahse kan in bul a daw te reuh te te, bawnghnute, chini, artui kan lei na  te ang chi chu an buai pha lo ang,  a chhan chu Walmart leh heng Retail chain lian tak tak te hi khawpui  pawn ah chuah an leng ang,  heng dawr te zawk te hi chu, an hlawk phah zawk mai thei, a chhan chu Walmart atang in wholesale rate in an va lei ve leh chhawng zawk ang. Hetah, Kolkata ngei ah pawh zing a Big Bazar (Future group) a bazaar chuan Pepsi, Coke etc  thingpui dawr nei tu ten an lei teuh teuh hmuh tur an tam thei hle.

Opposition party CPI, CPI-M leh BJP te hian FDI Retail hi an do hle, Communist ho hi chuan America rawng kai tawh phawt hi chu  a tha emaw tha lo pawh an do hrim hrim mahse BJP hi chu hriat thiam an harsa deuh hlek, a chhan chu an sorkar lai khan Jaswant Sing, an Finance Minister khan a FDI in retail hi a support thin, mahse Opposition an nih vang ringawt te pawh in an oppose pawh a ni thei e, ka hre tawh bik lo, mahse ka hmuh ve dang chuan tunhma Pu Manmohan Singh, Kan Prime Minister, Finance Minister a nih lai a, India ram Economy a rawn liberalize ang deuh hlek kha a nih ka ring deuh. Ambassador , Fiat leh Doordarshan te chu a thing ta, tunah chuan Hyundai i10, Chevrolet Beat leh Star TV te a ni kan uar tawh zawk.  Congress sorkar hian huai tak in hma han la ngam se ka ti hle mai.

Ngaihdan te a in ang lo thei a, ngaihdan dang deuh te in neih chuan a hnuai ah hian in rawn comment mai dawn nia.