Saturday, March 12, 2011

Thlemna

Jakoba  1:12
Thlemna tuar hram hramtu chu a eng a thawl e; fiaha a awm hnuin nunna lallukhum, Lalpan amah hmangaihtute hnena a tiam chu a hmu dawn si a.
Thelmna hi kan khawvel nun chhung chuan kan kaltlang ngei ngei tur, mi tin in kan kal tlang tehuh tur a ni a. Setana hian thil thalo ti tur in min thlem a piang in, kan kalsan tur a ni, kan kalsan apiang in Isua kan ang tial tial dawn a ni.


Galatia  5: 22-23
 Thlarau rah erawh chu hmangaihna te, hlimna te, remna te, dawhtheihna te, ngilneihna te, thatna te, rinawmna te,  thuhnuairawlhna te, insumtheihna te a ni zawk e; chutiang kalhzawngin Dan thupek reng a awm lo ve.
Heng thlarau rah te hi eng tin nge kan nun ah a in rawl dan, kan ti mai thei a, heng thlarau rah tha tak tak te hi kan pianpui theih a ni lo, kan in zir a, neih tum a ngai a ni, heng thlarau rah te hi nei tur hian Isua hian heng thlarau rah lo deuh deuh bul ah mi dah in, nungchang tha chher chhuak tur in min harsatna leh hrehawmna te min kal tlang tir a ni.
Entir nan, Hlimna leh dawhtheihna neih Isua in min zirtir tur chuan, mi thinchhia, thinur leh mi hlim lo bul ah te min awm tir thei a ni. Hetiang dinhmun ah tak hian keini ngei pawh thinrim  leh lungawi loh ve te pawh a awl viau in a rinawm.  Remna nei tur pawh in, hmun hrehawm leh buaina kar ah kan in zir choh ve zel a ngai, chutiang zel in Rinawmna nei tur pawh in, eirukna leh corruption tih theihna dinhmun ah kan awm fo ang, mi tumah hriat loh ah, keimahni lak a rinawm pawh hi thil pawimawh tak a ni, keimahni a ruk a thil kan ti lo a nih chuan, mi hma ah pawh kan rinawm leh zual ang.
Awle, Setana hi mi fing leh chalak, Eden huan atanga mi thlem thin tawh a ni, mi thlem hi a thiam em em rual in, a technique thenkhat hi chu a la thlak hauh lo, Setana thlemna lak a kan invenhim that theih zawk nan, mi a thlem dan thenkhat te I lo thlir ang u.
1.Advertisement a thiam –TV ah fakna te kan en thin chuan Coke, TV leh Motor te min neithtir chak tur in, nula hmeltha leh fimlmstar ten en min rawn thlem thin a ni. Movie pakhat ah chuan Actress lar tak Elizabeth Hurley kha Setana lem ah an chanter a nih kha, khatiang lak a inthiar fihlim tur chuan kan ngaihtuahna leh kan rin na ah te kan chian em em a ngai a ni. Thlemna hi khwai suah sualna hmun ah a awm emaw kan ti mai thei, mahse thlemna tak a chu keimahni  rilru ah awm in, keimahni chakna atanga rawn chhuak a ni.
Hei hi Bibul , Marka 7: 21-23 ah a lang chian em em a ni.
 Kawchhunga mi, mihring thinlung atangte chuan ngaihtuahna sualte a lo chhuak si thin; inngaihna te, rukrukna te, tualthahna te, uirena te, awhna te, sualna te, bumna te, hurna te, itsikna te, sawichiatna te, chapona te, atna te hi; chung thil sual zawng zawngte chu kawchhung atangin a lo chhuak a, mihring chu a tibawlhhlawh thin," a ti a.
2. Rin loh na – Setana hian kan thil dika hriat ngei pawh, dik vak lo a min ngaihtuah ti thei tlat. Setana hi Ukil tha tak a ni a, hnial hi kan tum ve tur a ni lo. Isua pawh kha Bibul chang khan a rilru tihbuai a tum a nih kha. Kan thian thenkhat hnial hrat deuh te pawh an dik lo a ni tih an hriat pawh a mi hnial thiam em em, kan tam lam pawh a dik lo emaw aw tih tur ang deuh a min ngaihtuah tir ang deuh khan, Setana pawh hian rin loh na kan rilru ah hian a tuh ve thei a ni.
Hebrai 3:12
Unaute u, fimkhur rawh u, chutilochuan Pathian nung chu bansan turin in zingah tu chhungah pawh rin lohna thinlung sual a lo awm dah ang e.
3. Bumna – Setana hi Bumna master a ni a, dawt sawi thiam a ni bawk. Ka College kal ve thin lai chuan thian pakhat mi kap thiam em em hi a awm a, mi zing ah kan zah tur deuh ngei hian thudik leh dawt chawhpawlh hian min kap thina a ni, thu tlem te han dah belh in, a awih awm ve em em mai a ni. A nuam duh lo hle. Chutiang deuh chiah chuan Setana pawh in kan thil sual tih thenkhat te hi, thil sual tereuh te chauh a lawm, a pawi lo a ti pawh a ni mai thei, mahse naute te pawh thil te reuh te atanga rawn chhuak an ni tih hi I theihnghilh loving u.
Tunah Setana mi thlem dan kan lo hmu ta a, mahse eng tin nge Setana thlem dan te hi kan bawhpelh theih dan tur I lo thlir ve le hang u.
1 Korin 10:13
Mihring tuar theih ang chauh lo chu thlemna reng reng in chungah a thleng ngai lo. Pathian zawng a rinawm a ni, ani chuan in tuar theih tawk aliam chu thlemna in tawh a phal lo vang; in tuar theihna turin thlemna rualin tlan chhuahna kawng a siam nghal zawk ang.
1.       1.Thlemna  hi pumpelh theih a ni lo – Mi thenkhat chu thlem a an awm vet e pawh hi, an zak in hrehawm an ti ve thei tho mai thei a ni. Thlemna hi kan thansan thei lo, thlem kan la ngai hrim hrim pawh hi thil lawm awm a la ni.  Mi sual tlu tawh thil sual ti tur in Setana leh a vantirhkohte hian an zi buai peih lo, mik fel la awm a te hi a ni mi thlem a chak tlat. Kei pawh  America ram a Sualna khawpui an tih mai, Las vegas ah ka zin tum khan pui ka ti ngei mai, thlemna pawh a tam khawp mai, Pawisa khelh chak tan pawh pawisa khelhna tur a tam hle, thil sual dang ti duh tan pawh sual tih na tur hmun a tam hle ka ring a ni. Casino tam tak kha Gangaster ho tan a ni nghe nghe in ka hria. Kawng sir ah te lah chuan Mexican immigrant ho hian nula inzuar thla lak an lo sem bawk,  Min hruaitu min hrilh dan chuan kan Pastor thenkhat te pawh kha khang nula inzuar thla lak te pawh kha an lo la ve chat chat a ni awm a ni. Pastor te pawh Setana hian a thlem ve tho, mahse  thlemna hnuai a tluk loh kha kan tum ber tur chu a ni.  Martin Luther a chuan ti thian a sawi , “Sava chu an lu chung ah an duh duh in an thlawk thei mahse kan lu chung ah bu kan chhep tir tur a ni lo, a ti vet lat a ni”.
Thlemna hi Las vegas ah chuah a ni lo, Biak in chhung ngei ah pawh hian ngaihtuahna tha lo hi a lut thei a ni thih I hria ang u.

2.      2. Thil Dang ngaihtuah rawh – Bibul ah hian vawi khat mah thlemna do tur in min ti lo, mahse Setana zawk a ni do tur in min tih.  Thlemna kan rilru atanga tihbo kan tum apiang in kan rilru ah a bet nghet tial tial zawk a ni tih hi hriat a pawimawh hle.  Cher I duh a nih chuan, chaw ka ei tlem dawn, chaw ka ei tlem dawn ti in I ngaihtuah mai thei, mahse chaw kha I la ngaihtuah tlat, Meizial bansan I tum a nih chuan, Meizial bansan ka duh, meizial bansan ka duh ti in I ngaihtuah char char mai thei, mahse Meizial kha I la ngaihtuah tlat, Meizial a kha ngiahtuah lo vin, thil dang, I rilru la peng thei tur kha ngaihtuah deih mai rawh, chute lo chu kan rilru ngaihtuah khan kan thil tih duh loh kha min ti chak zek zek zawk a ni. Ka fapa
Nathana pawh ti suh tih chuan tih a chak zek zek mai a ni, ti rawh tih chuan a ti chak leh miah bawk si lo. Sual pawh hi tiang deuh hlek hi a nia, ti lo tur a kan in ngaihtuah khan kan ti chak zawk deih mai.

3.       3. I thian te hrilh ve rawh – Thian te hi an pawimawh em em a, thian tha phei hi chu an hlu leh zual, thufing in a sawi ang deuh in, I thian te min hmuh la, tu nge I nih ka hre thei ang a tih ang deuh khan, thian te hi chuan chhiatni thatni ah kan in pui tawn a, hlimna a awm leh a double a, hrehawmna leh harsatna kan kal tlang pawh in min chhawk zangkhai thin zawk a ni. Sual a kan tlu palh a nih pawh in, thian tha te chuan kan huat leh thinrim pawh pawisa lo in min zilh in, min tanpui an hreh lo a ni. Bibul ah pawh Thurhiltu 4: 9-10 ah a in ziak chiang hle.  Pahnih chu pakhat ai chuan an tha zawk, an thawh chhuah that avângin. An tluk pawhin pakhat chuan a thian chu a khaiding dawn si a; mahni chauva awm kha erawh chu a chung a pik e, a tluk chuan khaidingtu tûr a nei si lo.
Setana kan dona kawng ah hian keimahni chauh hian kan do zo lo tih hriat a tha, kan thian te leh kan chhung te thahnem ngaihna leh hmangaihna in kan do thei a ni. Thil sual tih ruk emaw thil tha lo kan lo tih a, mahni a kan in zep rei lutuk pawh hian kan rilru a hrehawm in, a nuam lo thei a ni. Kan sum buaina vang emaw chhungkua buaina vang khan khan kan thian te hrilh tur in kan  zakzum emaw kan lo chapo thei bawk a ni mai thei mahse  Pressure cooker so tur ang deuh hlek hian a tehkhin theih awm e, chutiang rilru hrehawm leh rilru natna te thian te hrilh tur an awm hi chuan rilru hi a dam sawng sawng mai a ni. Thian te’n thurawn pawh min pe chuang lem lo mahse, min ngaihthlak sak rik ngawt pawh khan a hlu em em mai a ni.

4.      4. Isua tanpuina dil rawh – Ka fapa chu a kut a chilh emaw a tang deuh a nih chuan Apa tih in min au vak mai a ni, keini pawh kan dam lo a nih chuan Ambulance kan au vat thin, Kan in a kang a nih chuan Fire department, chutiang deuh chuan tlemna kan tawk a nih chuan Isua hi kan pun in kan au va vat tur a ni,  a ni chua a in ring reng a, mi tanpui a in ring reng a ni.   Sam 50:15 - Tin, mangan niah chuan mi ko la; Ka chhanhim ang che, tichuan nangin mi chawimawi dawn nia," a ti a.
Class room ah mathematics emaw hriat thiam loh kan neih chuan kan Zirtirtu te vawi 2-3 a zawhna ngai bawk kha zawh ziah chu kan lo zak ve thei a ni.  Mahse Isua chu khatiang a inthlahrun na tur a awm lo, sual ngai te te a nih pawh in, insiam that kan in tum phawt chuan Isua chu a in peih reng a ni. Isua hmangaihna hi chu a chatuan a ni tih hi I hria ang u. Tlang ram atanga rawn kal kan ni hlawm a, thingkung, tlangpawng a ding hi kan hmu thin ang a, thli a nat pauh leh, a zung kha a nghet mai a ni. Chutiang bawk chuan keini pawh thlemna kan kaltlang nasat pauh leh, Isua kan Zung leh kan rinna ah kan in ngat thuk tur a ni.

A chang tawp nan 2 timothy 2: 22 kan lo chhiar ang e.
Nimahsela, tleirawl chaknate chu tlansan la, thinlung thianghlima Lalpa lam apiangte zingah chuan felna te, rinna te, hmangaihna te, remna te um ve rawh.

~Amen~




 13.3. 2011 Chennai Mizo Worship a ka Sharing.









No comments:

Post a Comment