Thursday, January 3, 2008

Zunthlum hi Enge Ni?


Zunthlum chu natna chikhat thisena thilthum (chini) tam lutuk vanga
lo awm a ni a. He natna hi la (pancreas) in tui hnang (insulin) tam
tawk a siam chhuah loh vang emaw insulin chu a hmanna tur kawng dik
taka a kal loh vang a lo awm a ni a. Taksa peng hrang hrang (organs)
mit, kal, lung, thisen dawt leh thluak te zunthlum natna hian a
tichhe thei a ni. Zuntlum hi natna benvawn leh hlauhawm tak a ni a,
mi sing tel a lian a te a suat tu a ni.

ZUNTHLUM HI ENG VANGA LO AWM NGE NI?
Zunthlum lo awmna chhan hi mumal tak a hriat a ni lova, mahse heng a
hnuaia kan tarlan te ang hian zunthlum chu a vei tir thei a ni.
• Mi kum 35 chunglamin zumthlum chu a
vei awlsam bik.
• Miin zunthlum vei chhungte a
neihin.
• Rilru leh taksa lama buaina nei
miten.
• Mi a nih dan tur pangngai aia rihin
(thauvin).
• Hmeichhe rai lai in.

ZUNTLUM CHI HRANG HRANG TE CHU ENGTE NGE NI?
Pakhatna: Hei hi kum naupang lamin an vei tlangpui a. Taksa a
pancreas in insulin tam tawk a siam loh vang emaw insulin a awm loh
vanga lo awm a ni a. Insulin chuan thisen a chini tam lam chu a tawk
chiahin a vawng thin a ni.
Pahnihna: Hei hi puitling kum 35 chinin an vei tlangpui a. Taksa a
pancreas in insulin tam tawk a siam loh vangin emaw insulin chu a
thawhna tur dik tak a hman a nih loh vang a lo awm a ni.

MI HRISEL PANGNGAI THISENA THLUM (CHINI) AWM ZAT TUR CHU ENGE NI?
(75-110) mg

ENGTINNGE ZUNTHLUM CHU KAN TIH DAM ANG?
Zunthlum hi a tih dam theih lohva, amaherawh chu exercise lak te, ei
leh in tur insum te leh damdawi then khat hmangin a tih nep theih a,
zuntlum lak atang hian a inven theih bawk a ni.

ZUNTHLUM LEH MEIZUK ENGE A IN LAICHINNA?
Meizu mi i nih chuan sim rawh, meizuk vangin zunthlum chu a zual thei
a. Meizuk i sim chuan nasa takin a tanpui thei a ni.

ZUNTHLUM TAN A EI LEH IN TUR TE CHU ENG TE NGE NI?
Dan tlanpuiah zunthlum vei kum 35 chung lam chu ei leh in insumna
hmangin a enkawl theih a. Mi puitling tawh zunthlum vei te hi an nih
dan tur pangngai ai a rit te an ni a. Chutiang zuntlum veite enkawl
tur chuan an rihna tih hniam hmasak phawt a tul a ni. A tlem berah
pound 10 (kg 5) velin a tih thlem theih a ni. Nangma doctor bikin i
ei leh in tur chu a chawh tur che a ni a. I chaw ei pangngai leh
kamram ei hunte chu hunbi nei taka siamin a in buk tawk tur a ni.
Ei tur thil thlum (chini) tamna chocolate te, sweet te, ice cream te,
jam te, thingpui te, coffee te leh thil thlum in chi dangte lakah
hian i insum tur a ni. Chutiangin, thau tamna lampang chi chaw lakah
te i insum bawk tur a ni.

TAKSA IN SAWIZAWINA LAMAH ENGE TIH TUR?
Taksa insawizawina hian zuntlum veite chu a tanpui thei a, kan taksa
a glucose inchhekkhawl te chu tangkai takin a hman tir a, thisenzam
taksa peng hrang hrangah a kal that tir a, taksa rit lutuk tur a
vengin, taksa leh rilru buaina a tikiang thei a ni.
Taksa insawizawina hian glucose taksaa awmte chak zawk a hmang tur a
puih avangin kan taksa chu a chawmin a tidam zung zung bawk a ni.
I in sawizawi hmaiin nangma doctor hnenah eng ang inzawizawina chi
nge i mamawh tih zawt hmasa phawt zel ang che.

ZUNTLUM TANA DAMDAWI EITUR TE CHU ENG TE NGE NI?
Damdawi ei chi te hian pacreas in insulin a pek chhuah that theihna
turin a ti tha thova, taksa peng te chu insulin lo dawng sawng turin
a pui bawk a ni. Heng damdawi te hi ei leh in insumna in thisen a
thlum awm a tih tlem zawh lohvin leh zunthlum nasa vak lovah te hman
an ni thin.
Damdawi ei chi i hman te chu an hming i hre ngei tur a ni a. Eng
hunah nge i hman tan tih te, Eng hunah nge hna a thawh san lai ber te
leh nge tiang a rei nge a damdawi chuan a tan pui che tih te i hre
bawk tur ani.

Damdawi Hming
Hna Thawh Tan Hun
San Lai Ber
Hman Hun Chhung

Diabinese
1 hour
3-6 hrs
12-24 hrs

Orinase
1 hour
3-4 hrs
6-12 hrs

Tolinase
1 hour
4-6 hrs
12-24 hrs

Glucatrol
1 hour
varies
up to 24 hrs

Diabeta
1 hour
varies
up to 24 hrs


KAN TAKSA A INSULIN HMANNA TE ENGTE NGE NI?
Ei leh in insumna leh kan damdawi ei te'n zuntlum chu a tih nep
theih loh chuan insulin hi hman tur a ni a. Ka atanga kan ei chuan
chaw pai tawih tir tu acid khan a ei chhiat thin avangin chiu luh tur
a ni. Insulin chu hun rei lote chhung thawk chi te, thawk zawm chi
te, hun rei tak thawk chi te a awm a. I tana i mamawh chi chu i
doctor ten an hrilh ang che.

HYPOGLYCEMIA HI ENGE NI?
Hypoglycemia chu thinsen a thil thum tlak chhamna hi a ni.
Hypoglycemia vei te lo lan chhuah dan leh a vei te hriat theih dan
te chu:
- thlan chhuak -
awm nuamlo
- chauh ngawih ngawih - tawng
fiahlo
- taksa khur -
rilru chak lohna
- lu na - thisenah
thlum gm 50
aia tlem a awmin

ZUTHLUM VEI TE'N ENG VANGIN NGE HPYOGLYEMIA AN VEI NACHHAN?
Hypoglycemia veina chhan te chu:
Chaw ei that lohin
• Chaw ei tlai lutuk thinin
• Insulin ngah lutuk leh dam dawi ei
tam lutukin
• A tawk bak a taksa insawizawi nasat
lutukin

HYPOGLYCEMIA TIH DAMNA DAN ENGE NI?
Vei tih in hre tan:
• Thil thlum awmna mawl tak si entir nan serthlum
tui te leh thil thlum dang te ei ang che.
• Dar kar chanve hnuah thil thum awmna mawl te te
chaw entirna chhang te ei ang che.
Vei tih in hre lo tan:
• Doctorin a chawh angin glucagon injection lak
tur a ni.
• I vei tih i in hriat hunah thil thlum awm na
mawl te te chaw ei ang che.

HYPOGLYCEMIA VEI LO TURIN ENGTIN NGE I VENNA ANG?
Thil thlum awmna chaw mawl te te i ei deuh reng tur ani.
• Chaw tha a hun takah i ei tur a ni.
• Damdawi dortor te chaw chu a hun tak a an chawh
ang chiahin i ei tur a ni.
• I nitin tih tur leh taksa insawizawina chu hun
bi nei takin i vawng tur a ni.
• Zunthum i vei leh vei loh chu a khat tawkin in
in enfiah fo tur ani.


HYPERGLYCEMIA HI ENGE NI?
Hyperglycemia chu thisena thil thlum a tawk aia tam awm hi ani.

HYPERGLYCEMIA VEI TE LAN CHHUAH DAN LEH A VEI TE HRIAT THIEH NA TE
CHU ENG TE NGE NI?
Hyperglycemia vei te lan chhuah dan leh a vei te hriat theih dan te
chu:
· Vun leh ka te a ro
· Zing takin ril tam thin
· Zing taka zun chhuak thin
· Tui hal huam huamna te
· Chauh ngawih ngawihna te
· Zunah ketones a lo awm mai thei bawk.
· Thisenah thilthum 250 mg ai a tam a awm in.

HYPERGLYCEMIA VEINA CHHAN TE CHU ENG TE NGE NI?
• Ei tam lutuk leh kan taksa mamawh loh zawng ei
te.
• Doctor chawh ni lo damdawi ei te.
• Damlohna (hriltlang awmna te leh a dangte).
• Rilru lampang hahna leh taksa inzawizawi loh
lutuk vang te.

HYPERGLYCEMIA VEI TE CHU ENG TIANGA ENKAWL TUR NGE?
• Zun enfiah te, leh thilsen thil thlum awmzat
enfiah leh ketones awm leh awm loh enfiah te ani.
• I zun enfiah chu 3+ emaw 4+ emaw vawi 3 aia tam
a nih in doctor rawn ang che.

HYPERGLYCEMIA VEI LO TURIN ENGTIN NGE IN INVEN ANG?
• Chaw hrisel tha leh in buk tawk ei thin ang la,
i taksa mamawh tawk bak chu ei suh ang che.
• Damdawi doctor ten an chawh che chu a hun ni
dik takah a tawk chiah ei thin ang che.
• I taksa a hun taka sawizawi thin la. Ke a kal
hi taksa sawizawina tha tak ani.

ZUNTHLUMIN A KAIHHNAWIH DANG NATNA AWM THEI TE CHU ENG TE NGE NI?
Zunthlumin a kaihhnawih thei nanna dang te chu:
• Mit that lohna.
• Kal that lohna
• Hriatna thazam chhiatna te, kephah
chhia leh tawihna.
• Thisen dawt tih tetna leh lung
natna te.

MIT LAM PANG ENG TIN NGE A NGHAWG?

Zunthlum hi mitdelna then tu lian tak a ni a. Mit a thisen zam a lo
tih tet vang a lo thleng a ni. He natna hi retinopathy diebetic ti a
vuah a ni a. Zunthlum chu i enkawl that pauh leh he
natna `retinopathy' atang hian i veng thei dawn ani.
I mit chu kum 1-2 chhung in i entir thin tur a ni a. Thil hmuh fiah
lo, phe leh thil hmuh theih lohna te a awm leh awm loh i enfiah tur
ani.

KAL LAM PANG THAT LOHNA TE ENG TE NGE NI?

Zunthlum vei then khat te chuan kal lam natna an vei tel thin a. I
naupang deuh lai a zuntlum i vei emaw hun rei tak chhung zunthum i lo
vei tawhin kal lamnatna neih a awlsam bik a. Mi thisena thil thum
awm tam zawng a pangngai a nih chuan kal natna atangin a fihlim
thin.
Thisen sang i nih chuan kal natna i vei awlsam bik a. He harsatna hi
i neih chuan i thisen sang chu enkawl tha ngei ngei ang che.
I thil eiah chi a tam lutuk chuan thisen sang neih a awl sam bik a.
Chi a tlem thei ang ber ei tum ang che.
Zunthlum i neih chuan kal nantna i vei awlsam bik a. I taksa ah
harsatna entir nan zun zin lutuk te, zung zawng a na te, khawsik te,
hnungzang na te, luak chhuak te, kut leh ke vung te a lo awmin i
doctor ko vat la, i zun chu a enfiah hunah kal natna i neih leh neih
loh a hre thei ang.
Thisen a thil thlum tam lutuk chuan ke a hriatna tha zam chhiatna te
a thlen thei a, hriatna tha zam chu a ti thi thei a ni. Zunthum
natna chuan thisen kal te chu ti tawpin ke a thisen kal te chu a ti
chau thin a. Ke lama a harsatna a siam theih dang te chu: ke na te,
za mer mer te, chawlawl na te, aikhirh te, ke vawt ngawih ngawih te,
ke pawl te, vun loh sen hlar mai te, durh te, ngamit te, ke ro ke khi
leh ke tin to lut te an ni.


ENGTIN NGE KA KE TE EN KAWL ANG?

• Nitin ngun takin i ke pahnih te chu a in hliam
leh hliam loh te en fiah in, durh te, duk te leh natna dang a awm leh
awm loh te en fiah thin ang che.
• I ke te fai takin dah thin rawh.
• Ke a kal na hi ke tan a insawizawina tha ber
mai a ni.
• Mei zu suh.
• I ke tin te chu a ngil in bul lutuk lovin i tan
thin tur ani.
• Ke lawngin kal suh.
• I ke te i tih natin doctor rawn thin ang che.


ENGTIN NGE VUN I ENKAWL ANG?

Zunthlum ve te chu a bik takin an vunte an enkawl tha tur ani a,
taksa a natna do tu khawl a that loh avangin.


ENG TIN NGE VUN NATNA A AWM TIH I HRIAT THEIH ANG?

I vunte chu lo senin hnai te a lo la ang a, pem te a dam har bik a,
khawihli, pan leh thak te i serh velah a lo awm ang.

ENGTIN NGE VUN NATNA TE CHU I VEN ANG?

• Nitin inbual a, sahbawn nem lam hman thin.
• Vun te chu phuhlip tur vengin leh inhliam lo
tura fimkhur.
• I hliamte chu enkawl thaiin tui thianghlimin
sil fai thin rawh.
• A pan lohna tur a siam damdawi chak tak tak te
hmang suh.
• I hliam leh pem awm reng reng te chu enkawl vat
zel ang che.

HA LAMPANG A HARSATNA TE ENGE NI?

Zunthlum vei chu a ha a thalo tlangpui a, a chhan chu a taksa a natna
do tu kha a chak loh vang a ni. Nitin vawithum a ha a nawt fai thin
tur a ni a, a ha chu a doctor te hnenah a enfiah tir thin tur a ni.

HA LAMA HARSATNA NEI MITE CHU ENG TIN NGE KAN HRIAT THEIH ANG?

• Ka a ro ang.
• Ha hni te a lo sen duk ang.
• Ka vel ah pan hnaila te a lo awm ang.
• Ha hni te chu awlsam takin a thi thin.
• Lei te a lo lianin a lo sen ang.


ZUNTHLUM VEI A I LO DAM LOHIN ENG TIN NGE I TIH ANG?

I dam lohna chuan i thisen ah thum a lo ti pung thei a. I lo dam
loha i tih tur te chu:
Thil ei tha theilo awm dan pangngai a awm thei lo khawp a i lo dam
lohvin doctor hnenah i in entir vat tur a ni.
• Insulin i lak thin te chu chhun zawm zel la,
tin damdawi ei chi doctor te'n an chawh che pawh i ei chhunzawm bawk
tur ani.
• I zun leh i thilsen te chu a i test fo thin tur
a ni.
• Hah chawlh i mamawh tam a, thil tui ril lam i
in tam tur ani.

ZIN VAH LAM PANGAH ENG TE NGE HRIAT TUR?

Zunthlum vei te tan chuan zin hi a tha lova, nakin hun lama tan chauh
i ruahman tur a ni.

No comments:

Post a Comment