Thursday, January 3, 2008

Him Taka Meizuk dan kawng a awm em?



Awm lo. Zial leh cigarette reng rengte hian chhiatna a then thei vek
a, tlemte zuk pawh hi a hlauhawm tho a ni. Cigarette hi taksa tana
thil thalo nasa tak thlen thei si, phalna nei a zawrh leh tlangzarh
si a ni. Mi thenkhat chuan taksa a tihchhiat nasat hlauvin an zu
tlem deuhva, mahse chu chu meizu mite zingah chuan thil har tak a
ni. Thenkhat chuan nicotine(tur chi khat) leh tar(meizuk ekchhia
inting ang deuh, taksa tana thalo) tlemna deuh zial zukin taksa a
khawih pawi nep deuh an ring a, mahse chu chu thil tih harsa tak a
ni. Mite chuan nicotine leh tar tlemna deuh zial man tlawm deuh leh
chak loh deuhte an zuk hian zial kha an zu tam veleh thung si a, a
hmaa an zuk thin ai mahin nicotine leh tar chu an taksa a lut chu a
tam zawk ta thin a ni. Tar tlemna cigarette te chu nasa zawka a lo
hip te, zing zawka a lo hipte leh bung tawi tak thlenga a lo zuk te
chuan taksa a tar lakluh tamna cigarette a lo ni ta zawk thin a ni.
Zial zuk tlem deuh tum mite chuan zialah chuan a chak lo deuhte han
thlang thin mahse, a nghei hmiahte hlawkna ang kha an nei pha lo reng
reng a ni.

MEIZUK HI A ZAWNGCHHANG TAK TAK THEIH EM?
Theih tehmeuh mai. Cigarette a nicotine awm chuan meizu mite chu a
zawngchhang tirin a bawiah a tan tir thin a. Nicotine hi ruihhlo
dang heroin leh cocaine ang tho a ni. A zawngchhang theihna chhan
pathum lian deuh deuh te chu: Pakhatna, tlem tlem a taksa a lakluh a
nih khan taksaah nawmna a thlen a, a ti thin te chuan tih leh zel an
duh ta thin a ni. Pahnihna, meizu mite chu nicotine tur khan a lo
fan tawh thin a vangin an lo ngai a, a tel lovin awm harsa an lo ti
a. Mei zuk an chawlhsan chuan rilru leh taksaah harsatna chi hrang
hrang; luna te, zamna te leh mut that theihlohna te a lo thleng thin
a ni. Nicotine hi tur chak tak mai, thluak khawl leh hriatna tha zam
khawih chhe thei a ni a, meizu thin te atangin chu chu a chiang em em
a. Meizu mi tam takin meizuk an sim theih loh nachhan chu sim an
tumin an taksaah awm nawmlohna chi hrang hrang a lo thlen thin vang a
ni.

NICOTINE CHUAN ENTIN NGE HNA A THAWH?

Nicotine taksa an luh phat chuan taksa chu a ti harhvangin leh a ti
thathova, mahse a hnu rei vak lovah mi chu a ti ngawichawiin leh a ti
zawi thin a ni. Hemi avang hian mite'n mei zuk an chin phah a, I
awih emaw awihlo emaw-nicotine hi taksa tana thalo tur a ni. Vawileh
khatah tam tak a taksa a lak luh chu nise tihrawl te ti zengin mi
chuan a thihpui nghal tawp thei a ni. Chu mai bakah aspirine dam dawi
mum hmun nga a then a hmun khat ang zat vel nicotine hi miin ei ta
ang se a hlauhawm dan chu cynide tur ei ang chiah in a thihpui nghal
tawp theih a ni. Mei kan zuk hian nicotine taksa a lo lut chu taksa
khawl natna vengtute chuan an lo then sawm a, a hlauhawm dan an lo
tih nep vang mai a ni kan thihpui nghal mai lo a ni. Enga pawh chu
nise, meizuk hian ngawng tha lo a then hrim hrim a ni. Nicotine
chuan meizu tan tir leh lo zu thin tawhteah chuan awmnawm lohna dam
lo anga in hriatna a thlen thin a ni. Nicotine chuan thisen a ti
sang a, lungphu chu lo ti rangin, minute khat a vawi 33 hiala rangin
a awmtir thei a ni. Pang tilumna a ti tlem a, kut leh ke a thisen
kal chu a lo tlem ta bawk thin a ni. Damdawi lama mithiam te'n an
chhut danin ziala nicotine a awm avang hian meizu mite an lo pun phah
a, lungnatna vei an tam phah a, tin kaih te pawh an tam phah a ni an
ti.

MEIZUK HIAN CANCER A THLEN EM?

Thlen e…! chuap cancer chauh lo, taksa hmun dang hrang hrangah a then
thin a ni. Cigarette zukna hian ka cancer te, aw bawm cancer te,
hrawk cancer te a tlen thin a. Chu mai nilo, phing, kal, la, pumpui
leh chhulah te cancer a awm tir thei bawk a ni.. He thil hi mihring
leh ransa sang tam tak atanga finfiah a ni.

ENGVANGIN NGE MEIZU MI ZAWNG ZAWNGTE HIAN CHUAP CANCER AN VEI LOH?

Kan taksain thil a lo dawn sawna, a lanchhuah pui dan hi mi hrang
hrangah a in anglo thei hle a. A chhan tam tak a awm a, chung zingah
chuan kan taksa chak zawng a in angloh vangte leh kan inthlah
chhawnna in a ken tel thisen chak zawngte, hrisel leh hrisel loh
zawngte a in ang loh vang a ni. Kan hriat tur chu cigatette-ah hian
chemical chi hrang hrang chi 4,000 chuang a awm a, meizu thin mi chi
hrang hrangte natna chu a inang vek kher lo ava. Mahse thudik awm
lai kan hlamchhiah theih miah loh chu: `cigarette zu mite hi a zu lo
mite aiin an thi naupang zawk a ni' tih hi. Chawlrualin meizu mite
hi zu lo mite aiin kum 7 in an dam chhung hun a tawi a ni. Meizu
mite zingah hian thihna chu nitin cigarette a zuk tam dan a zir in a
pung a, kum engzat nge mei a lo zuk tawh tih leh a mei zuk tan hun
kum naupan dan a zirin a ni bawk a ni.

CIGARETTE ZUK HIAN CHUAP NATNA A THLEN THEI EM?

Aw thlen thei e. Cigarette zukna hian chuap natna chi hrang hrang
cancer ang bawk a hlauhawm a thlen thei a. Bronchitis natna benvawn –
he natna hi thawkna dawtah hnang a lo in siam tam lutuk a, chu chuan
zing taka khuh an lo awmtir thin a ni. Tin, Emphysema – he natna
hian zawi zawi in mi chu a thawkna a ti chhia a, enkawl that an nih
loh chuan an thih phah hial thei a ni.


NU NAUPAI LAI LEH A NAUPAI TAN MEIZUH HI A PAWINA A AWM EM?
Nu naupai lai in mei a zuk chuan ama leh a naupai hriselna chu a chhe
thei a. Naupailai in mei a zuk chuan mi pahnih in an tuar a, a chhan
chu nicotine-te, carbon-monoxide te leh chemical hrang hrang meizuk
khu nu thisena kal tlangin a fa pailai chu pawh chu a fan ta thin a
ni. Naupailaiin mei a zuk chuan nau a piansual vangin tih thlak a lo
ngai ta emaw, nau a thi a piang emaw, nau thla tlinglova pianna emaw
a thlen thei a ni. Naute chu buk thling lovin a piang thei bawk a,
chawhrualin pound 1 ½ (.75kg) vel chauh a lo ni thin a. Dan naranin
heng nau buk tlinglova piangte hi natna khirhkhan tak emaw, thih
theihna tur ang chi nata an vei duh hle bawk a ni.

No comments:

Post a Comment