Thursday, August 16, 2018

CMWA Fresher 2018


CMWA Fresher 2018
A hmasa in CMWA hmingin Chibai ka buk a che u.
Tun kum thar kan tan ho leh dawn a, Mizoram hmun hrang hrang atanga lo kal kan nih ang in, tun kum pawh kan awm ho na ah in in lungural tak a in tawi ho leh kan tum dawn nia.

Chennai khawpui  a lo kal in thlan avangin ka lawmlut  duh che u a. Chennai khawpuia in awm chhung a in fimkhur na tur leh kaihruaina tur point tlem a zawng a hnuai ah hian kan tarlang ve ang e.
1.      Rental Agreement – Chennai I awm chhung in Hostel ah te I awmlo a nih chuan, In I luah ngei ang a, chutiang a nih chuan Rental agreement siam ngei ang che. I rental Agreement ah  chuan thla tin I in luah man bak ah, notice period te, Rental deposit pek zat te chiang tak in ziak thla vek ang che. Rupees 20 Stamp paper hmang in a Rental agreement hi a tih theih a ni. Rental agreement te In neih chuan nakinah House owner te'n Rental deposit an pek let duh loh pawh in hma lak a theih a ni. Tun hnai hian Mizo awm te pawh in luah lam ah buaina nei an tlem ta deuh. Rental agreement draft mamawh chuan senior member te in lo be dawn nia. Rental agreement hi deposit tan ringawt lo in, Adhaar apply nan te leh passport apply nan a tangkai hle a ni.

2.      Staff Contract – Chennai ah hna thawk tur a I lo kal a nih pawh in, chiang takin I hna thawh na te nen contract neih tum ang che. Chu mi contract ah chuan I hlawh zat tur te, ban hmaa notice period mamawh zat te,  I hna thawh tur te chiang tak a ziak tur in I ti dawn nia. Staff contract  te In neih chuan nakin ah hlawh an pek duh loh che pawh in hma lak a awl. Hna zawm hian Mizo te hi I fimur ang u, hna hmuh apiang zawm mai mai lo in, Hlawh zat ringawt en lo in, eng nge a benefit te leh contract mumal a awm nge awm lo te, a thawk tawh te’n a rintlak nge rintlak loh an sawi dan atang te’n  en chian phawt a  pawimawh khawp mai. Kan hna thawh na kan bang duh te a nih pawh in, kan hnathawhna te eng mah hrilh miah lo a bang thut lo in, kan ban hma in kan hnathawhna te kan hrilh thin dawn nia.  Kan hnathawhna ah te rinawm tak a hna thawh theuh I tum ang u. Kan hnathawh na ah te kan rinawm lo a, thil ru a an man che u a, police station thleng in buai a nih chuan Welfare chuan in Chhung te leh local YMA hruaitu te thleng in thlen kan hreh lo ang.  Hna hmuh apiang kha zawm ringawt lo in, hna thawh na tur te an rinawm em? Hnathawhna hmun, address te hriat chian phawt tum a tha. A thawk tawh te ngaihdan hriat pawh a tha khawp mai. Hnathawhna hmun a kut thlak tuar, hnawthawna hming leh Manager te pawh hre lo kan awm leh thin, chutih rual in hnathawhna ah mobile phone khawih buai emaw rui buai a hnathawh pui te kut thlak te kan awm tawh a, khatiang lam a fihlim tur in ka rawn chah duh nghal che a ni.

3.      Zu leh DrugsChennai a lehkha zir tur emaw, hna thawk tur a kan rawn chhuk hian, kan chhungte theuh te’n min ring tawk a min thawn chhuak ani a. Helaiah zu leh damdawi te awlsam taka lei tur a awm avanga mahni inveng tha zolo tamtak kan hmu tawh . Zu ruih vang a khawtlang buaina siam te, Ruih lai a thil lo ru te, Drugs tih vang a che buai te, Hostel a hnawhchhuah te chu CMWA chuan kan thawn haw hmiah hmiah dawn a ni.
 Mahni zirna hmunah leh hnathawhna hmun ah theuh zu leh drugs lam a fihlim a, , kan hnamze mawi I lantir zawk zel kan tum dawn nia,

4.      Tamil Culture

An tawng nuih sawh suh, an tawng hi an ngai hlu hle a ni.
Tamil chaw hi a tui, a theih chuan ei ve tum ang che. Tui I in in , I hmui  in no kha si suh.
Tamil Nadu a kan mi lar te, Rajnikant-a te fiamthu in an hnam pui hma ah nuih sawh suh ang che.
Inchei lam ah fimkhur a tha, hetah chuan inchei dan a dang. An society a conservative . Nula te pawh I fen chhing viau kha a tha ber lo.
Hnam dang thian siam fimkhur a tha, nun him nan zawk.
Hmeichhia I nih chuan zan rei ah nang mah chauh in motor ah chuang suh, Ola emaw Uber pawh ni se, a him lo. 
Bus chuan in Mipa tan, hmeichhia bul a thut a thiang lo, mipa lam ah chauh thut tur.

5.       Kut Thlak
             Tamil ho hi a hnam ang in, hnam zai dam leh mi kut thlak ching lo tak mai an nia a, an thinrim vawr tawp ah pawh, an in hau vak vak duh chauh a, a theih hram chuan kut thlak hmasa lo a tan a pawimawh. Mahni thiam na ngei ah pawh in sum a, an mahni kuthlak loh kha a pawimawh zawk. Mahni dik na ngei a nih chuan Police hnen ah pawh report a tha zawk. Mi rama awm zawk kan ni tih inhre reng ang u.

6.      Mahni Nunna lak- Nunna hi a pawimawh, depression emaw lungaihna te kan nei a nih chuan kan member pui Dr Pyschriatrist Dr. Dennis a leh Rev. Lalthanzauala te an awm tih member te’n hria se, a tul chuan medication emaw counselling pek thei reng a ni tih hriat tur.


A tawp ber ah chuan Chennai Mizo Welfare Association hi Mizo te ta a nia, Sorkar ah pawh kan in register ve thlap a ni. He pawl ti hlu tu leh neitu chu nang ni Fresher te hi in ni a, he pawl hi theihtawp a chhawmdawl chho zel a, Mizo tlawmngaihna nun mawi Chennai a ti lang zel thei tur in hma min lakpui tur in ka sawm a che u. CMWA Vul zel rawh se, Ka lawm e.


Thursday, July 26, 2018

COMMITTEE LAIA AWM DAN MAWI


Tangkai pui kan awm tak in ka rawn pho chhuak, a rawn ziak chhuak tu tak hi ka hre bik lo, point tlem a zawng ka belh ve e.


➡ Committee hruaitu tur (Leader/Chairman) chu committee hun ruat aia hma feah a thleng thin tur a ni. Committee hruaitu tur ber a tlai fo chuan kal lehzelna turah inthlahdahna a hring a. A zahawmna pawh a hloh tih hriat tur.
➡ Committee tan hun ruatah hruaitu chuan a tanpui thei ngei ngei tur a ni. Member dang an rawn kal mek, thleng tep tih mai mai avanga a tan tlaipui fo chuan member-te thinlungah tlai pawi tih lohna a hring chhuak thin. Chu chuan kumtluanin a hunah Committee a tantir thei lo fo thin ang.
➡ Committee kal thei lo an awm chuan secretary hnenah a theih loh chhan chiang takin a hrilh tur a ni a. Leader/Chairman emaw Secretary hrilh lovin member dang bula a phatna a duhtawk mai tur a ni lo.
➡ Committee i kal tlai dawn a nih chuan secretary/leader hnenah chiang takin i sawi thin tur a ni.
➡ Hruaitu in thurel agenda sawi lai chu 'thu chung pawhin a sawi theih tho...' ti zawnga a tih loh chuan ding chungin i ngaihdan sawi nhei ngei ang che.
➡ Ngaihdan din chhuahpui bawk silo, bula thute lo sawipui ve chhen reng si hi mipuitling lo zia a ni tih hriat tur. A thing.
➡ Committee member atan an ruat che a. I pha silo a nih chuan in thurel ah ngaihdan sawi tur i nei ve ngei tur a ni. Kumtluana Committee laia lo thu ngawi ve mai mai tura ruat i ni lo tih hriat tur. Committee member lai i nih ve tawh kha
➡ Thu in chuh rap rap changte pawh a awm ang. Amah erawhchu, tawngkam mawi hman hram hram tum tur a ni. I hmaa an thil sawi kha i duh loh zawng a lo nih pawhin, "Ka ngaihdanah chuan..." ti mai lo vin, "Tihian ka lo ngaihtuah ve a....." tih emaw chin zawk tur.
➡ Agenda member ten an sawi laia Committee hruaitu berin midang a lo biaksan chhen hi thil mawi lo tak a ni. A sawitu tan sawi a tuiawm loh.
➡ Committee laia bul amite nena thil dang lo sawi daih emaw, thil dang lo ngaihtuah daih (phone khawih, etc..) rawngbawlna thilah phei chuan tih loh tawp tur a ni.
➡ Pawimawha chhuah lawk kan ngai anih chuan ngawi renga chhuak mai lo vin, bula thute hnenah tal sawi thin tur.
➡ I ngaihdan lo deuh hleka thu in lo passed a nih pawhin, thu pawmtu zingah i tel a, theih tawp chhuaha tih hlawhtlin ve mai kha i tih tur a ni tih hria la. A bawhzuina lamah in lo buai ta deuh a nih pawhin, Sawi zui kher lo la. Thu pawmtu zing ami i nihve na kha hre reng la. Theih tawp chhuah zawktu ni ang che.
➡ Committee minute hi chhiar chhuah ngei hi duhthusam a ni. A bawhzuina lamah kan thu passed tawh dan en let duh chang a awm thin. A hunlai/siam that theih laiin chiang taka Committee kalten Kan pawm tlan dan tura ziah a him ber.
➡Thu pawimawh deuh rel hmanhmawh thlak lutuk te a awm lo a nih chuan WhatsApp ah no lo in, committee a tel tur in rawn put luh tur a ni.